सत्यः
satyah
vasurvasumanāh satyah samātmāsammitah samah | amoghah pundarīkāksho vrishakarmā vrishākritih || 25 ||
Śaṅkara
अवितथरूपत्वात्परमात्मा सत्यः, 'सत्यं ज्ञानमनन्तं ब्रह्म' इति श्रुतेः । मूर्तामूर्तात्मकत्वाद्वा, 'सच्च त्यच्चाभवत्' इति श्रुतेः । सदिति प्राणः, तीत्यन्नम्, यमिति दिवाकरः, तेन प्राणान्नादित्यरूपाद्वा सत्यः, 'सदिति प्राणास्तीत्यन्नं यमित्यसावादित्यः' इति श्रुतेः । सत्सु साधुत्वाद्वा सत्यः ।
avitatharūpatvātparamātmā satyaḥ, 'satyaṃ jñānamanantaṃ brahma' iti śruteḥ | mūrtāmūrtātmakatvādvā, 'sacca tyaccābhavat' iti śruteḥ | saditi prāṇaḥ, tītyannam, yamiti divākaraḥ, tena prāṇānnādityarūpādvā satyaḥ, 'saditi prāṇāstītyannaṃ yamityasāvādityaḥ' iti śruteḥ | satsu sādhutvādvā satyaḥ |