चतुरात्मा
chaturātmā
lokādhyakshah surādhyaksho dharmādhyakshah kritākritah | chaturātmā chaturvyūhashchaturdamshtrashchaturbhujah || 28 ||
Śaṅkara
सर्गादिषु पृथग्विभूतयश्चतस्रः आत्मनः यस्य सः चतुरात्मा । ब्रह्मा दक्षादयः कालस्तथैवाखिलजन्तवः । विभूतयो हरेरेता जगतः सृष्टिहेतवः ॥ विष्णुर्मन्वादयः कालः सर्वभूतानि च द्विज । स्थितेर्निमित्तभूतस्य विष्णोरेता विभूतयः ॥ रुद्रः कालोऽन्तकाद्याश्च समस्ताश्चैव जन्तवः । चतुर्था प्रलयायैता जनार्दनविभूतयः ॥ इति वैष्णवपुराणे ।
sargādiṣu pṛthagvibhūtayaścatasraḥ ātmanaḥ yasya saḥ caturātmā | brahmā dakṣādayaḥ kālastathaivākhilajantavaḥ | vibhūtayo hareretā jagataḥ sṛṣṭihetavaḥ || viṣṇurmanvādayaḥ kālaḥ sarvabhūtāni ca dvija | sthiternimittabhūtasya viṣṇoretā vibhūtayaḥ || rudraḥ kālo'ntakādyāśca samastāścaiva jantavaḥ | caturthā pralayāyaitā janārdanavibhūtayaḥ || iti vaiṣṇavapurāṇe |