शिपिविष्टः
shipivishtah
subhujo durdharo vāgmī mahendro vasudo vasuh | naikarūpo brihadrūpah shipivishtah prakāshanah || 42 ||
Śaṅkara
शिपयः पशवः, तेषु विशति प्रतितिष्ठति यज्ञरूपेणेति शिपिविष्टः; 'यज्ञो वै विष्णुः पशवः शिपिर्यज्ञ एव पशुषु प्रतितिष्ठति' इति श्रुतेः । शिपयो रश्मयः, तेषु निविष्ट इति वा । शैत्याच्छयनयोगाच्च शीति वारि प्रचक्षते । तत्पानाद्रक्षणाच्चैव शिपयो रश्मयो मताः ॥ तेषु प्रवेशाद्विश्वेशः शिपिविष्ट इहोच्यते ।
śipayaḥ paśavaḥ, teṣu viśati pratitiṣṭhati yajñarūpeṇeti śipiviṣṭaḥ; 'yajño vai viṣṇuḥ paśavaḥ śipiryajña eva paśuṣu pratitiṣṭhati' iti śruteḥ | śipayo raśmayaḥ, teṣu niviṣṭa iti vā | śaityācchayanayogācca śīti vāri pracakṣate | tatpānādrakṣaṇāccaiva śipayo raśmayo matāḥ || teṣu praveśādviśveśaḥ śipiviṣṭa ihocyate |