आदित्यः
ādityah
svayambhūh shambhurādityah pushkarāksho mahāsvanah | anādinidhano dhātā vidhātā dhāturuttamah || 18 ||
Śaṅkara
आदित्यमण्डलान्तःस्थो हिरण्मय पुरुषः आदित्यः । द्वादशादित्येषु विष्णुर्वा, 'आदित्यानामहं विष्णुः' इत्युक्तः । अदितेरखण्डिताया मह्या अयं पतिरिति वा, 'इयं वा अदितिः महीं देवीं विष्णुपत्नीम्' इति श्रुतेः । यथा आदित्य एक एवानेकेषु जलभाजनेषु अनेकवत्प्रतिभासते, एवमनेकेषु शरीरेषु एक एव आत्मा अनेकवत्प्रतिभासत इति आदित्यसाधर्म्याद्वा आदित्यः ।
ādityamaṇḍalāntaḥstho hiraṇmaya puruṣaḥ ādityaḥ | dvādaśādityeṣu viṣṇurvā, 'ādityānāmahaṃ viṣṇuḥ' ityuktaḥ | aditerakhaṇḍitāyā mahyā ayaṃ patiriti vā, 'iyaṃ vā aditiḥ mahīṃ devīṃ viṣṇupatnīm' iti śruteḥ | yathā āditya eka evānekeṣu jalabhājaneṣu anekavatpratibhāsate, evamanekeṣu śarīreṣu eka eva ātmā anekavatpratibhāsata iti ādityasādharmyādvā ādityaḥ |