यज्ञाङ्गः
yagnyāngah
bhūrbhuvah svastarustārah savitā prapitāmahah | yagnyo yagnyapatiryajvā yagnyāngo yagnyavāhanah || 117 ||
Śaṅkara
यज्ञा अङ्गान्यस्येति वराहमूर्तिः यज्ञाङ्गः, वेदपादो यूपदंष्ट्रः क्रतुहस्तश्चितीमुखः । अग्निजिह्वो दर्भरोमा ब्रह्मशीर्षो महातपाः ॥ अहोरात्रेक्षणो दिव्यो वेदाङ्गः श्रुतिभूषणः । आज्यनासः स्रुवतुण्डः सामघोषस्वनो महान् ॥ धर्मसत्यमयः श्रीमान्क्रमविक्रमसत्क्रियः । प्रायश्चित्तनखो घोरः पशुजानुर्महाभुजः ॥ उद्गातान्त्रो होमलिङ्गः फलबीजमहौषधिः । बाह्यान्तरात्मा मन्त्रस्फिग्विकृतः सोमशोणितः ॥ वेदीस्कन्धो हविर्गन्धो हव्यकव्यातिवेगवान् । प्राग्वंशकायो द्युतिमान्नानादीक्षाभिरर्चितः ॥ दक्षिणाहृदयो योगी महासत्रमयो महान् । उपाकर्मोष्ठरुचकः प्रवर्ग्यावर्तभूषणः ॥ नानाच्छन्दोगतिपथो गुह्योपनिषदासनः । छाया पत्नीसहायो वै मणिमेरुरिवोच्छ्रितः ॥
yajñā aṅgānyasyeti varāhamūrtiḥ yajñāṅgaḥ, vedapādo yūpadaṃṣṭraḥ kratuhastaścitīmukhaḥ | agnijihvo darbharomā brahmaśīrṣo mahātapāḥ || ahorātrekṣaṇo divyo vedāṅgaḥ śrutibhūṣaṇaḥ | ājyanāsaḥ sruvatuṇḍaḥ sāmaghoṣasvano mahān || dharmasatyamayaḥ śrīmānkramavikramasatkriyaḥ | prāyaścittanakho ghoraḥ paśujānurmahābhujaḥ || udgātāntro homaliṅgaḥ phalabījamahauṣadhiḥ | bāhyāntarātmā mantrasphigvikṛtaḥ somaśoṇitaḥ || vedīskandho havirgandho havyakavyātivegavān | prāgvaṃśakāyo dyutimānnānādīkṣābhirarcitaḥ || dakṣiṇāhṛdayo yogī mahāsatramayo mahān | upākarmoṣṭharucakaḥ pravargyāvartabhūṣaṇaḥ || nānācchandogatipatho guhyopaniṣadāsanaḥ | chāyā patnīsahāyo vai maṇimerurivocchritaḥ ||