p. 204
लम्बोदरप्रसूः ।लम्बोदरस्य महागणेशस्य प्रसूः जनयित्री मातेत्यर्थः ।लम्बोदरं प्रसूत इति वा ॥ॐ लम्बोदरप्रसुवे नमः ॥लभ्या ।संसारदशायामावारकाज्ञानेन स्फुटमप्रकाशमाना सती श्रवणादिसंस्कृतान्तःकरणवृत्तावखण्डाकारज्ञानभूमिकायां प्रतिफलितस्वरूपेण विस्मृतकण्ठगतकनकभूषणवत्प्राप्तप्राप्तिरूपतया लब्धुं योग्येति तथा ॥ॐ लभ्यायै नमः ॥लज्जाढ्या ।लज्जया, उपलक्षणमन्तःकरणधर्माणां सर्वेषाम्, आढ्या तद्वत्त्वेन आकारवतीत्यर्थः ।तिरोधानादिना अन्तर्हिता सती वरादि प्रयच्छतीति लज्जाढ्या भवतीति च उपचर्यते ॥ॐ लज्जाढ्यायै नमः ॥लयवर्जिता ।'अविनाशी वा अरेऽयमात्मा अनुच्छित्तिधर्मा' इत्यादिश्रुतेः, लयो विनाशः, तेन रहितावर्जितेत्यर्थः ।इदमुपलक्षणं षड्भावविकाराणाम्, सत्यं ज्ञानमनन्तं ब्रह्म' इत्यादि श्रुतेः ॥ॐ लयवर्जितायै नमः ॥ह्रींकाररूपा ह्रींकारनिलया ह्रींपदप्रिया ।ह्रींकारबीजा ह्रींकारमन्त्रा ह्रींकारलक्षणा ॥ १७ ॥
In plain words
The mother of the elephant-faced lord; she who is realized within; she who is clothed in divine modesty; she who stands untouched by destruction; she whose very form, dwelling, love, seed, mantra, and definition is the sacred syllable Hrīṃ.
Close to the Sanskrit
She who is the mother of Lambodara; she who is attainable; she who is rich in modesty; she who is devoid of dissolution; she whose form is the syllable Hrīṃ, whose abode is Hrīṃ, who is fond of the word Hrīṃ, whose seed is Hrīṃ, whose mantra is Hrīṃ, and who is characterized by Hrīṃ.