रुद्रः
rudrah
rudro bahushirā babhrurvishvayonih shuchishravāh | amritah shāshvatasthānurvarāroho mahātapāh || 26 ||
Śaṅkara
संहारकाले प्रजाः संहरन् रोदयतीति रुद्रः । रुदं राति ददातीति वा, रुर्दुःखं दुःखकारणं वा, द्रावयतीति वा रुद्रः । रोदनाद्रावणाद्वापि रुद्र इत्युच्यते, 'रुर्दुःखं दुःखहेतुं वा विद्रावयति स प्रभुः । रुद्र इत्युच्यते तस्माच्छिवः परमकारणम्' इति लिङ्गपुराणवचनात् ।
saṃhārakāle prajāḥ saṃharan rodayatīti rudraḥ | rudaṃ rāti dadātīti vā, rurduḥkhaṃ duḥkhakāraṇaṃ vā, drāvayatīti vā rudraḥ | rodanādrāvaṇādvāpi rudra ityucyate, 'rurduḥkhaṃ duḥkhahetuṃ vā vidrāvayati sa prabhuḥ | rudra ityucyate tasmācchivaḥ paramakāraṇam' iti liṅgapurāṇavacanāt |