गोविन्दः
govindah
maheshvāso mahībhartā shrīnivāsah satām gatih | aniruddhah surānando govindo govidām patih || 33 ||
Śaṅkara
'नष्टां वै धरणीं पूर्वमविन्दं वै गुहागताम् । गोविन्द इति तेनाहं देवैर्वाग्भिरभिष्टुतः' इति मोक्षधर्मवचनात् गोविन्दः । 'अहं किलेन्द्रो देवानां त्वं गवामिन्द्रतां गतः । गोविन्द इति लोकास्त्वां स्तोष्यन्ति भुवि शाश्वतम्' इति । 'गौरेषा तु तथा वाणी तां च विन्दयते भवान् । गोविन्दस्तु ततो देव मुनिभिः कथ्यते भवान्' इति च हरिवंशे ।
'naṣṭāṃ vai dharaṇīṃ pūrvamavindaṃ vai guhāgatām | govinda iti tenāhaṃ devairvāgbhirabhiṣṭutaḥ' iti mokṣadharmavacanāt govindaḥ | 'ahaṃ kilendro devānāṃ tvaṃ gavāmindratāṃ gataḥ | govinda iti lokāstvāṃ stoṣyanti bhuvi śāśvatam' iti | 'gaureṣā tu tathā vāṇī tāṃ ca vindayate bhavān | govindastu tato deva munibhiḥ kathyate bhavān' iti ca harivaṃśe |