Name 23

Śaṅkara

अभिरूपाः केशाः यस्य सः केशवः । 'केशाद्वोऽन्यतरस्याम्' इति वप्रत्ययः प्रशंसायाम् । यद्वा, कश्च अश्च ईशश्च त्रिमूर्तयः केशाः ते यद्वशे वर्तन्ते सः केशवः । केशिवधाद्वा केशवः । 'यस्मात्त्वयैष दुष्टात्मा हतः केशी जनार्दन । तस्मात्केशवनाम्ना त्वं लोके ख्यातिं गमिष्यसि' इति विष्णुपुराणे श्रीकृष्णं प्रति नारदवचनम् । पृषोदरादित्वाच्छन्दसाधुत्वकल्पना ।

abhirūpāḥ keśāḥ yasya saḥ keśavaḥ | 'keśādvo'nyatarasyām' iti vapratyayaḥ praśaṃsāyām | yadvā, kaśca aśca īśaśca trimūrtayaḥ keśāḥ te yadvaśe vartante saḥ keśavaḥ | keśivadhādvā keśavaḥ | 'yasmāttvayaiṣa duṣṭātmā hataḥ keśī janārdana | tasmātkeśavanāmnā tvaṃ loke khyātiṃ gamiṣyasi' iti viṣṇupurāṇe śrīkṛṣṇaṃ prati nāradavacanam | pṛṣodarāditvācchandasādhutvakalpanā |