हविर्हरिः
havirharih
atulah sharabho bhīmah samayagnyo havirharih | sarvalakshanalakshanyo lakshmīvānsamitinjayah || 52 ||
Śaṅkara
यज्ञेषु हविर्भागं हरतीति हविर्हरिः, 'अहं हि सर्वयज्ञानां भोक्ता च प्रभुरेव च' इति भगवद्वचनात् । अथवा, हूयते हविषा असाविति हविः; 'अवघ्नन्पुरुषं पशुम्' इति हविष्त्वं श्रूयते । स्मृतिमात्रेण पापं संसारं वा पुंसां हरतीति, हरितवर्णत्वाद्वा हरिः; 'हराम्यघं च स्मर्तॄणां हविर्भागं क्रतुष्वहम् । वर्णश्च मे हरिर्वेति तस्माद्धरिरहं स्मृतः' इति भगवद्वचनात् ।
yajñeṣu havirbhāgaṃ haratīti havirhariḥ, 'ahaṃ hi sarvayajñānāṃ bhoktā ca prabhureva ca' iti bhagavadvacanāt | athavā, hūyate haviṣā asāviti haviḥ; 'avaghnanpuruṣaṃ paśum' iti haviṣtvaṃ śrūyate | smṛtimātreṇa pāpaṃ saṃsāraṃ vā puṃsāṃ haratīti, haritavarṇatvādvā hariḥ; 'harāmyaghaṃ ca smartṝṇāṃ havirbhāgaṃ kratuṣvaham | varṇaśca me harirveti tasmāddharirahaṃ smṛtaḥ' iti bhagavadvacanāt |