धातुरुत्तमः
dhāturuttamah
svayambhūh shambhurādityah pushkarāksho mahāsvanah | anādinidhano dhātā vidhātā dhāturuttamah || 18 ||
Śaṅkara
धातुरुत्तमः इति नामैकं सविशेषणं सामानाधिकरण्येन; धातुर्विरिञ्चादुत्कृष्ट इति वा वैयधिकरण्येन; नामद्वयं वा; सर्वधातुभ्यः पृथिव्यादिभ्यः उत्कृष्टश्चिद्धातुरित्यर्थः । कार्यकारणप्रपञ्चधारणाच्चिदेव धातुः । उत्तमः सर्वेषामुद्गतानाम् अतिशयेनोद्गतत्वादुत्तमः ॥
dhāturuttamaḥ iti nāmaikaṃ saviśeṣaṇaṃ sāmānādhikaraṇyena; dhāturviriñcādutkṛṣṭa iti vā vaiyadhikaraṇyena; nāmadvayaṃ vā; sarvadhātubhyaḥ pṛthivyādibhyaḥ utkṛṣṭaściddhāturityarthaḥ | kāryakāraṇaprapañcadhāraṇāccideva dhātuḥ | uttamaḥ sarveṣāmudgatānām atiśayenodgatatvāduttamaḥ ||